Bæjarstjóraefni D-listans í Hveragerði er Ingimar Guðmundsson. Ingimar er 32 ára, fæddur og uppalinn Hvergerðingur sem býr hér í dag ásamt eiginkonu sinni og þremur börnum.

Ingimar hefur á undanförnum árum öðlast víðtæka reynslu af málefnum sveitarfélaga, bæði í gegnum starf sitt sem sérfræðingur hjá Sambandi íslenskra sveitarfélaga og sem forstöðumaður frístundamála í Hveragerði.

Þar leiddi hann uppbyggingu sem vakti athygli á landsvísu.

Hann hefur sýnt að með skýrri sýn, faglegri nálgun og metnaði er hægt að ná raunverulegum árangri á skömmum tíma.